Bīdreiba “Latgolys kulinaruo montuojuma centrs”
Latgolys regions ir īpašs ar sovom skaistajom dabys ainovom, izkūptojom tradicejom, boguotū i daudzveideigū kuļturu, bet latgalīšu vīsmīļeiba ir Latgolys vizītkarte arī uorpus Latvejis rūbežom. Eista latgalīša sātu ņivīns nav pamets ar tukšu vādaru. Ikvīns gosts ir pacīnuots ar suotnom pušdīņom, visbīžuok ar kaidu nu Latgolys kulinaruo montuojuma iedīņim – griušļi, kļockom ci buļbu bļīnim.
Pasateicūtīs vītejīm gordumim, Latgola ir pīmāruots golamierķis gordāduojim. Dažaiduos saimņīceibuos ir īspiejams nūgaršuot gon sātys sīru i saldiejumu, gon madu i i zuoļu čaju, pošizcaptū maizi i lynsāklu eļļi, dažaidus zyvu i gaļis iedīņus, konditorejis izstruoduojumus, kai arī pīsadaļeitīs rudzu maizis cepšonys procesā i baudiet nu ūgom darinuotū sātys veinu.
Latgolys regions ir Eiropys kulinaruo montuojuma teikla (www.culinary-heritage.com, pīminātajā sātyslopā pīejamys arī iedīņu receptis) bīdrs i veiksmeigi struodoj tymā jau 13 godus. Reģionālais kulinarijs montuojums – tei ir kvaļitātis zeime tradicionālū i jaunū iedīņu populariziešonai i tradiceju saglobuošonai regionā. Vīns nu kulinaruo montuojuma kriterejim, pagatavojūt iedīņus, ir - izmantuot vysmoz 70 % nu vītejom izejvīlom, kas ir izaudzātys itymā regionā.
Ar mierķi atteisteit Latgolys kulinaruo montuojuma teiklu i veiduot tuo tiergdarbeibu, 2013. goda decembrī tyka izveiduota bīdreiba “Latgolys kulinaruo montuojuma centrs”. Tei apvīnoj vairuok kai 30 uzjāmumus, nu kurim 10 ir nu Kruoslavys nūvoda, kas aktīvi struodoj itymā teiklā i sovim gostim pīduovoj kulinaruo montuojuma iedīņus: kulinaruo montuojuma centrs Kruoslavā grāfu Plāteru piļs kompleksā, Piļs īlā 2, vīsņeica “Piedruja”, ZS “Brīži”, ēdamnoms “Daugava”, atpyutys bāze “Ļajismolys”, uorstņīceibys čaju audzātova “Kurmeiši”, zyrgu sāta “Klajumi”, lauku sāta “Zareņi”, breivdīnu sāta “Mežābeļis”, pošmuoju ražuotuoji Dina i Māris Skudrys (www.kulinaraismantojums.lv). Latgolys kulinaruo montuojuma teikla koordinātuoja, bīdreibys “Latgolys kulinaruo montuojuma centra” vaļdis prīkšsādātuoja ir Tatjana Kozačuka. 2015. godā Latgolys kulinarijs montuojums ir atzeits par Eiropys izcyluokū tūrisma golamierķi aba EDEN (European Destinations of ExcelleNce) projekta konkursa uzvarētuoju Latvejī nominacejī “Turizmys i gastronomija”.
Latgolys kulinaruo montuojuma atpazeistameibys zeime – iz gaišy zyla fona povuora capureite ar nazi i dakšeņi.
Tatjana Kozačuka
Latgolys kulināruo montuojuma teikla vadeituoja, bīdreibys „Latgolys kulināruo montuojuma centrs” vaļdis prīkšsādātuoja