Buļbu dasys

Recepti izstuosteja saimiņeica Janīna Gekiša, Kruoslava (dzymuse Kruoslavys nūvoda Rūbežņīku pogosta Pleikūs)


Iz smolkuos tarkys satarkavoj buļbys, pīvīnoj smolkai sagrīztus casnāgus, ķimeņis. Buļbu masu sadola divuos daļuos: vīnai buļbu masas daļai daļīk kluot iudiņī izmērcētu gruci, ūlys, suoļi piec garšys i moltus soldonūs pyparus. Ūtrai buļbu masai daļai daļīk kluot pateļņī apceptu gaļi ar seipūlim. Obys masys pylda cyuku rasnajuos zornuos, zornu golus aizsīn cīt ar dīgu. Protviņi īzīž ar taukim, ļīk cepļī iz 2,5 stuņdom.
––––––––––––––––––––––––––––––––––––––––––––––––––––––––––––––––––––––––––––––––

Buļbu gryušļa sacepīņs

Recepti izstuosteja saimiņeica Janīna Gekiša, Kruoslava (dzymuse Kruoslavys nūvoda Rūbežņīku pogosta Pleikūs)



Nūskuš buļbys i ļīk vuoreitīs. Gaļi sagrīž mozūs gobolūs, drupeit apcep. Kod gaļa apsacepuse zaltuoti bryuna, daļīk sagrīztus seipūlus i suoļi piec garšys. Vuoreituos buļbys sameica. Kluot ļīk ceptu gaļi ar seipūlim, vysu kuorteigi izmaisa. Buļbu masu ļīk iz protviņis un cep cepļī. Pasnīdz korstu.
––––––––––––––––––––––––––––––––––––––––––––––––––––––––––––––––––––––––––––––––

Raudzāts maizis kvass

Recepti izstuosteja saimiņeica Janīna Gekiša, Kruoslova (dzymuse Kroslavys nūvoda Rūbežnīku pogosta Pleikūs)



Traukā ar vardušu iudiņi ļīk malnuos maizis garūzeņis ci cepļī apbryunynuotys rudzu maizis šķāļis. Tur syltā vītā. Kod šķidrums paļīk bryuns, tū nūkuoš caur smolku sīteņu vai marļi. Piec 1 – 2 dīnnaktim kvasu var dzert.
––––––––––––––––––––––––––––––––––––––––––––––––––––––––––––––––––––––––––––––––

Zuoļeišu čajs

Recepti izstuosteja saimiņeica Janīna Gekiša, Kruoslava (dzymuse Kruoslavys nūvoda Rūbežņīku pogosta Pleikūs)

Sviežuos upeņu, pyparmātru lapeņis aplej ar vardušu iudiņi. Dažys minutys ļaun īsaviļktīs. Piec garšys var pīvīnuot cukri.
––––––––––––––––––––––––––––––––––––––––––––––––––––––––––––––––––––––––––––––––

Botviņja (Jaunūs batviņu lopu i kuotu zupa)

Recepti izstuosteja saimiņeica Janīna Gekiša, Kruoslava (dzymuse Kruoslavys nūvoda, Rūbežnīku pogosta Pleikūs)

Vuorej buljonu nu kaulim: iz 2 litrim iudiņa vajag 1-2 burkuonus (sasmalcynuotus), petersīļu sakni, seipūlu, 3 videja leluma buļbys, suoļs piec garšys, 2-3 lauru lopys, 3-5 pyparu graudeņu i dažaidus zaļumus – seipūllūkus, petersīļus, diļļis. Buļjonu ar vysom pīdevom ļīk vuoreitīs, cikom buļbys ir gotovys. Batviņu lopys, kuotus i batviņu saknis nūmozgoj, smolkai sagrīž i aplej ar vardušu iudiņi ci drupeit pavuorej, ļīk buļjonā kūpā ar citim zaļumim i vuorej 2–3 minutys. Pyrms zupys pasnīgšonys īļīk ½ stakana kriejuma. Var dabuoveit arī 1-2 sasmalcynuotys ūlys. Piec garšys pīvīnoj drupeit cukra. Ēd korstu.
––––––––––––––––––––––––––––––––––––––––––––––––––––––––––––––––––––––––––––––––

Haladņik (Vosorys soltuo zupa)

Recepti izstuosteja saimiņeica Janīna Gekiša, Kruoslava (dzymuse Kruoslavys nūvoda Rūbežnīku pogosta Pleikūs)

Apmāram 1 kg skuobiņu sagrīzt i izvuoreit, tod atdzeset (piec patykis nu suokuma var daļikt drupeit grucis, tod zupai byus styngruoks saturs). Sagrīzt apmāram 2 agurkus, seipūlu lūceņus, sasmalcynuot 2 ūlys, pīvīnuot diļļis, stakanu kriejuma, suoli piec garšys. Cukri pi skuobīņom nav juoļīk.
––––––––––––––––––––––––––––––––––––––––––––––––––––––––––––––––––––––––––––––––

Potrauka

Recepti izstuosteja saimiņeica Janīna Gekiša, Kruoslava (dzymuse Kruoslavys nūvoda Rūbežnīku pogosta Pleikūs)

Uzvuorej buljonu. Tod nūvuorej oknys, satarkavoj iz reivis i apviļoj stierķeļī. Tod ļīk vardušā buljonā i drupeit pavorej. Izīt gorda zupeņa.
––––––––––––––––––––––––––––––––––––––––––––––––––––––––––––––––––––––––––––––––

Babka nu arbuza

Recepti izstuosteja saimiņeica Janīna Gekiša, Kruoslava (dzymuse Kruoslavys nūvoda Rūbežnīku pogosta Pleikūs)

1,5 – 2 kg arbuza, 2 seipūli, 0,5 gluozis myltu, 2-3 ūlys, 100 gr svīsta, 1 gluoze kriejuma, suoļs, lauru lopys, ķimeņis, zaļumy.
Satarkavoj arbuzu i seipūlu, dalīk 0,5 gluozis myltu, 2-3 ūlys, 1 gluozi kriejuma. Ūlu boltonumus sakuļ, vysu labi samaisa, ļīk formā, viersā uzber zaļumus i ļīk cepļī. Gatavu pasnīdz ar kriejumu.