Гефілтэ фіш (фаршыраваны шчупак)

Па рэцэпце Рэгіны Сейліш, Краслава

шчупак
цыбуля
морква
манка
соль
перац

Памыць і вычысціць шчупака, акуратна зняць скуру. Аддзеленае ад костак мяса 2-3 разы перамалоць у мясарубцы. Да фаршу дабавіць манку, цыбулю, перац, трохі масла і солі. Напоўніць скуру шчупака атрыманай масай. На дно каструлі выкласці парэзаную колцамі цыбулю і моркву. Зверху пакласці фаршыраванага шчупака і заліць халоднай вадой. Дадаём соль, перац па смаку. Пасля закіпання дабаўляем трохі халоднай вады (паўтараем тры разы). Шчупака падаваць на стол, выклаўшы на зялёнае лісце салаты і ўпрыгожыўшы варанай морквай.
––––––––––––––––––––––––––––––––––––––––––––––––––––––––––––––––––––––––––––––––

Цымес

Па рэцэпце Рэгіны Сейліш, Краслава

1 кг курынага мяса
1-1,5 кг свежай морквы
цыбуля
перац
лаўровы ліст

Трохі абсмажваем курынае мяса і кладзём у каструлю тушыцца на павольным агні. Чысцім моркву, рэжам колцамі і трохі абсмажваем. Моркву насыпаем у каструлю з курыным мясам, дадаём парэзаную цыбулю, перац, лаўровы ліст. Калі пры тушэнні мала вадкасці, дабаўляемм гатаванай вады.
––––––––––––––––––––––––––––––––––––––––––––––––––––––––––––––––––––––––––––––––

Пірог

Па рэцэпце Рэгіны Сейліш, Краслава

Цеста:

200 г масла
1 шклянка цукру
2 яйкі
2 шклянкі мукі
1 ч. л. соды
1 ч. л. разрыхляльніку
200 г смятаны
1 ч. л. ванільнага экстракту

Прыгатаванне:
Змешваем муку з содай і разрыхляльнікам. Узбіваем масла, яйкі і цукар. Дадаём муку і міксерам узбіваем да аднастайнай масы. Дабаўляем смятану і ваніль.

Начынка:

1 шклянка здробненых грэцкіх арэхаў
½ шклянкі цукровай пудры
2 ч. л. карыцы

Прыгатаванне:
Форму для выпечкі змазваем маслам і пасыпаем мукой, уліваем палову цеста, пасыпаем арэхавай начынкай. Наверх выліваем астатняе цеста і рэшткі начынкі. Паліваем пірог растопленым сметанковым маслам і выпякаем пры тэмпературы 180 да гатоўнасці.
––––––––––––––––––––––––––––––––––––––––––––––––––––––––––––––––––––––––––––––––

Хала

4-5 шклянак мукі
½ шклянкі алею
3 ч. л. солі
1 ст. л. цукру
1 шклянка кіпеню
½ шклянкі халоднай вады
1/3 шклянкі вады (пакаёвай тэмпературы)
45-50 г дражджэй
3 яйкі
мак або сезам па смаку

Змяшаць алей, соль і цукар, дадаць вады і перамяшаць, пасля гэтага дадаць халоднай вады і зноў перамяшаць. Дрожджы растварыць у цёплай вадзе. Асобна ўзбіць яйкі і злучыць з асноўнай масай, пакінуўшы пару лыжак узбітых яек для змазвання халы. Дабавіць муку і замясіць цеста. Калі неабходна — дабаўляем яшчэ муку. Цеста накрываем чыстай сурвэткай або ручніком і ставім у цёплую (не гарачую) духоўку на 1 хвіліну. Потым вымаем і пакідаем на 1 гадзіну ў цёплым месцы. Аб'ём цеста павінен павялічыцца ў 2 разы. Цеста кладзём на дошку, дзелім на 4 часткі, кожную з іх дзелім яшчэ на 3-4 часткі. Кожны кавалачак раскочваем у каўбаску і сплятаем 3-4 коскі. Кладзём на змазаную алеем бляху і пакідаем на 45 хвілін, каб падняліся. Змазваем яйкам, пасыпаем семкамі і гатуем у духоўцы пры сярэдняй тэмпературы каля 30-40 хвілін. Гатовыя халы выбіраем з духоўкі і астуджаем.

Teiglahs. Kreplahs, Aingemahts. Ebreju virtuves receptes. Sastādīja Dr. rabīns Menahems Barkahans. 2012
––––––––––––––––––––––––––––––––––––––––––––––––––––––––––––––––––––––––––––––––

Фаршмак

Па рэцэпце Барыса Магідаса, Краслава

1 селядзец
1 цыбуліна
1-2 яблыкі
2-3 кавалачкі батона
50 г масла
½ ч. л. цукру
½ ч. л. воцату
50 г малака

Чысцім селядзец і пакідаем толькі філе. Перамолваем мяса ў мясарубцы. Старанна парэзаную цыбулю засыпаем цукрам і заліваем воцатам. Размочаны ў малацэ батон перамолваем. Яблыкі чысцім, перамолваем і дадаём да асноўнай масы. Дабаўляем масла, молаты перац і ўсё старанна перамешваем. Раскладваем у салатніцы і пасыпаем зелянінай.
––––––––––––––––––––––––––––––––––––––––––––––––––––––––––––––––––––––––––––––––

Малочны рыбны суп

Па рэцэпце Барыса Магідаса, Краслава

400 г рыбнага філе (шчупак, акунь)
2-3 бульбіны
1 цыбуліна
1 пучок кропу
300 мл малака
1 ст. л. мукі
1 ст. л. масла
соль

Бульбу нарэзаць і паставіць варыцца ў невялікай колькасці кіпню. Дадаць нарэзаную цыбулю, соль і варыць 5-7 хвілін. Дадаць нарэзанае рыбнае філе і даліць трохі кіпню, каб закрыць рыбу. Варыць яшчэ 15 хвілін. Дадаць масла і малако, у якое прасеяна мука. Варыць яшчэ 2-3 хвіліны. Дабавіць кроп. Зняць з агню і даць 3-4 хвіліны настаяцца.
––––––––––––––––––––––––––––––––––––––––––––––––––––––––––––––––––––––––––––––––

Фарфелах

2 ст. л. манных круп
300 г пшанічнай мукі
3 яйкі
1/3 ч. л. солі

Яйкі добра ўзбіць і пасаліць. Пакласці ў шырокую міску манныя крупы і чайную лыжку ўзбітых яек і добра расцерці рукой так, каб яйка абгарнула крупы. Паступова, дадаючы муку і яйкі, працягваць расціраць. Фарфелах павінны быць круглай формы, крыху меншыя за гарошыну. Гатовы выраб тонкім пластом раскладваем на ліст паперы і даём высахнуць. Прасушыць фарфелах можна ў духоўцы, на блясе без масла, на самым малым агні. Добра прасушаны фарфелах можна захоўваць у сухім месцы на працягу 2-3 месяцаў. Ужываецца для булёнаў і супоў, а таксама як гарнір да мясных страў.

Teiglahs. Kreplahs, Aingemahts. Ebreju virtuves receptes. Sastādīja Dr. rabīns Menahems Barkahans. 2012.
––––––––––––––––––––––––––––––––––––––––––––––––––––––––––––––––––––––––––––––––

Тэйглах

2,5 шклянкі мукі
2 г солі
1 ч. л. соды
4 яйкі
4 ст. л. алею
¾ шклянкі цукру
0,5 кг мёду
1 ч. л. молатага імбіру
½ ч. л. мускатных арэхаў
2 шклянкі арэхаў

Муку прасеяць, змяшаць з соллю і содай, дадаць яйкі, алей і замяшаць крутое цеста. Цеста падзяліць на кавалачкі і з кожнага кавалачка раскачаць каўбаску таўшчынёй з аловак, нарэзаць на кавалачкі 0,5 см і раскласці на трохі змазаную алеем бляху. Выпякаць на сярэднім агні 20 хвілін, пакуль яны не стануць светла-карычневымі. Падчас выпечкі бляху два разы страсянуць.
У кацялку змяшаць мёд, цукар, імбір, мускатны арэх і варыць 15 хвілін. Дадаць выпечаныя кавалачкі цеста і варыць яшчэ 5 хвілін. Затым дабавіць арэхі і, памешваючы, варыць яшчэ 10 хвілін. Сумесь выкласці на мокрую дошку, трохі астудзіць. Выраўнаваць і нарэзаць на кавалачкі. Можна рабіць шарыкі.

Teiglahs. Kreplahs, Aingemahts. Ebreju virtuves receptes. Sastādīja Dr. rabīns Menahems Barkahans. 2012.