Bigoss
Recepti izstuosteja saimiņeica Meļa Ragine, Kruoslava
- skuobātī kuopusti
- svaigī kuopusti
- gaļa
- seipūli
- burkuoni
- suoļs
- pipari
- tomātu mierce
- žuovātys šļivys
- deseņis
Skuobātym kuopustym nūspīž sulu i ļīk čuguna kotlā, dabuovej sagrīztus svaigūs kuopustus, vysu kuorteigai samaisa. Daļīk kluot apceptu gaļi ar seipūlym i burkuonim. Piec garšys daber suoļi i piparus. Pīvīnoj tomātu mierci, sagrīztys žuovātys šļivys, vysu labi samaisa i ļīk cepļī. Ik pa laikam juoizjam nu cepļa i juoapmaisa. Var ļikt kluot deseņis.
––––––––––––––––––––––––––––––––––––––––––––––––––––––––––––––––––––––––––––––––
Pierogi
Recepti izstuosteja saimiņeica Meļa Ragine, Kruoslava
Meiklei:
- 1 ūla
- suoļs
- 1,5 gluozis vuoruša iudiņa
- mylti
Sakuļ ūlu i piec garšys pīvīnoj suoļi, daļaj vuorušū iudiņi. Masu izmaisa i pamozom daber myltus, lai masa byutu bīza. Tod meikļi izruļļej ar meikļis ruļļi i ar gluozi izspīž opolus apleišus. Kotra apļeiša vydā ļīk piļdejumu, puorlīk pa pusei i aizspīž maļeņis. Ļīk vuoreitīs. Gotovus pasnādz ar kriejumu ci apceptom skvarkom i seipūlym.
Piļdejums:
- vuoreitys buļbys
- bīzpīns
- diļļis
- suoļs
Buļbys saspaida ar videļcu, pīvīnoj kluot bīzpīnu i vysu samaisa. Piec garšys var daļikt kluot diļļis, suoļi.
Piļdejums:
- burkuony
- sieņs
- seipūli
- suoļs
Sieņs ar seipūlym apcep, pīvīnoj burkuonus. Piec garšys daļīk kluot suoļi.
Piļdejums:
- sutynuoti kuopusti
- seipūli
- gaļa
- suoļs
Apcep gaļi ar seipūlym, pīvīnoj kluot sutynuotus kuopustus. Piec garšys pīvīnoj suoļi.
––––––––––––––––––––––––––––––––––––––––––––––––––––––––––––––––––––––––––––––––
Žureks
Recepti izstuosteja saimiņeica Meļa Ragine, Kruoslava
- gaļa
- deseņis
- burkuoni
- svaigi kuopusti
- seipūli
- īraugs (gatavuots nu rudzu myltim)
- suoļs
- ūlys
Kotlā ļīk vuoreitīs gaļi. Kod tei ir pusļeidz gotova, pīvīnoj sagrīztus burkuonus, seipūlus, kuopustus. Zupai dabuovej īraugu. Piec garšys daber suoļi. Kod zupa ir drupeit atsolusa, vysu sakuļ. Īpašūs gadejumūs zupu pylda opolys formys maizuos, kurom ir izgrīzts meikstums, kluot ļīk sagrīztu vuoreitu ūlu voi apceptys deseņis.
––––––––––––––––––––––––––––––––––––––––––––––––––––––––––––––––––––––––––––––––
Pīna zupa ar duorzeņim
Recepti izstuosteja saimiņeica Zenta Meldere, Kruoslava
- svaiguos buļbys
- kuopusts
- burkuoni
- pīns
- suoļs
Sagrīž buļbys i kuopustus. Burkuonus satarkavoj. Vysu ļīk vardušā iudiņī, piec garšys daļīk suoļi. Kod duorzeņi meiksti, pīvīnoj pīnu i uzkarsej ļeidz vuoreišonai.
––––––––––––––––––––––––––––––––––––––––––––––––––––––––––––––––––––––––––––––––
Golupci
Recepti izstuosteja saimiņeica Zenta Meldere, Kruoslava
- ryss
- cyukgaļa
- kuopusts
- seipūly
- pypari
- suoļs
Cālu kuopustu i rysus nūvuorej pusgotovus. Moltū gaļi samaisa kūpā ar rysym i apceptim seipūlim, pēc garšys dabuovej suoļi i pyparus i pylda kuopustu lopuos. Kod golupci sateiti, tūs līk kotlā, puorlej ar syltu iudiņi i tomātu vai kaidu cytu mierci, i sutynoj apmāram 1 stuņdi iz lānys guņs. Gotovus golupcus pasnādz ar kriejumu.