• Iedīņi nadreikst bļūdā ūtraižuok ļīt, tod byus nalaime
• Ja ādūt izbierst suoļs, gaidoms ļels streids
• Ja, ādūt pušdīnis, atlauž gobolu maizis, naapād i aizmierzdams vāļ atlauž, tys nūzeimej, ka ādojs ir cīši golodns
• Nadreikst drupačys nu golda ar rūku slauceit, tod sātā naudys nabyus
• Maizeiti nadreikst urbynuot ar pierkstym, tod izboda Dīvam acs
• Ar svīstu putru nasamaituosi
• Ja bļūdu naizād tukšu, tod ūtrā dīnā nabyus spāka
• Ādūt nadreikst spīgeļī vērtīs, cytaižuok apād atmiņi
• Ja ādūt kuojis kustynoj, tod valna bārnus šyupoj

Dzerit olu, kozinīki, As redzēju, kai dareja: Malnajom rūceņom, Nūpleisušu kažuceņi	Dzerit olu, soldons ols, As redzeju, kai dareja: Aldars sovu ļaudaveņi Pi kubula nūbučova
Oi, gaļdeņ, oi, gaļdeņ, Kai tev skaiški pīdarāja, Apleik tevi veiri sēd, Kai reksnī ūzuļeņi. Cytam deve soļ’ ar maizi, Cytam jauku volūdeņi.	Kura loba saimiņeica, Soka: ādit, soka: dzerit! Kura kaida naprašķeņa, Staigoj golvu aizrīzuse.
Pasaklausot, jyus bierņeni, Kai dzīd putra kambarī: Pīņeņš valk, iudiņs sīc, Putromeņi trikšinoj.

Pierakstīja Anna Vagale Kombuļu pagastā