Latgolys boltkrīvu kukņa piec byuteibys ir ļeidzeiga cytu tauteibu kukņom. Tuos pamatprincips ir vīnkuoršs, suoteigs i nu pošmuoju produktim gatavuots iedīņs.
Īcīņeiti iedīņi: pīna ci gaļys zupa žur(pūļu kukņā – žurek), zupa nu burkuonim – morkva, zupa nu grīzīņim – grižanka, u.c. Plaši teik izmantuotys buļbys, kuruos pagatavej dažaidūs veidūs. Popularuoki iedīņi ir kolduni– buļbu bļīni ar sieņu ci gaļis piļdiejumu, kurus pasnīdz puorļītus ar skuobū kriejumu, kartupeļu babka– buļbu bīzeņa sacapums, buļbu dasys. Cyts izplateits boltkrīvu kukņis produkts ir cyukgaļa, kuru lītova dažaidu veidu dasu, suoļeituo bekona, captuos gaļis i cytu iedīņu pagatavuošonā. Bigoss– sutynuotuo gaļa ar kuopustim – vīns nu boltkrīvu kukņis rakstureiguokajim iedīņim. Iedīņs ar taidu nūsaukumu, bet atšķireigu pagatavuošonys veidu, beja īcīņeits arī pūļu kuķņī. Storp dzierīņim ļela popularitāte ir kvasam.
Pasateicūtīs Kruoslavys nūvoda saimiņeicu atsauceibai, ir īvītuotys iedīņu receptis, kurus juos ir lykušys goldā nu paaudzis paaudzē, taidā veidā atveidojūt tīši Kruoslavys nūvoda boltkrīvu kukņai rakstureigū i nūdrūšynojūt iedīņu recepšu saglobuošonu arī cytom paaudzem.