Krīvu tauteibys tradicionalajai kukņai rakstureigi daudzveideigi, bet vīnkuorši iedīņi. Popularys beja dažaidys zupys, uzturā tika ļītuota arī dažaida veida gaļa: cyukgaļa, ļellūpu, vuškys i mediejumu gaļa. Kai iedīņu pīdevys plašai tyka lītuoti kriejums, bīzpīns i cyti pīna produkti. Nu soldonajim iedīņim – cepļī capti uobuļi i cyti capti ci kaltāti augļi ci ūgys. Svātku dīnuos, pīmāram, Meteņūs (Masļeņica) cepa bļīnus, Leldīnuos – Leldīnu peirāgus – pashys.
Sovdabeiga ir krīvu staroveru kukņa – puorsvorā dažaidi augi - par tū, ka stingri īvārova gavieņus, kod gaļi, taukus, pīnu i ūlys ēst nadreikstieja. Tipiski krīvu kukņas iedīņi ir: skuobū kuopustu zupa – šči, batviņu zupa - botvinja, dažaidys putrys, zierņi, pupys, sieņs, ķeiseļi, zuoļeišu čajs, u.c. Seņuok staroverim beja daudz i dažaidi īrūbežuojumi ieššonys kuļturā: atsevišķi traukti sev i gostym, persoņeigī golda pīdarumi kotram saimis lūcekļam; atsateikšonuos nu nūteiktu produktu ļītuošonys uzturā – zyrga, truša, bebra gaļis, zivs bez zveiņom i tamļeidzeigai, aizļīgtus vēļ Vacajā Dereibā. Ceņtuos ņikuo napierkt veikalūs, ēst tikai sovus produktus. Juotzeist, ka, laikam ejūt, staroveru rakstureiguos iedīņu tradicejis ir īguvušs nūsaceitai māranuoku nūzeimi, tūs īvāruošona ir atkareiga nu kotrys saimis tradicejom i cylvāka īpašeibom.
Pasateicūtīs Kruoslavys nūvoda saimiņeicu atsauceibai, ir īvītuotys iedīņu receptis, kurys juos ir lykušys goldā nu paaudzis paaudzē, taidā veidā atveidojūt tīši Kruoslavys nūvoda krīvu kukņai rakstureigū i nūdrūšynuojūt iedīņu recepšu saglobuošonu arī cytom paaudzem.